Знаци дека горниот дел од грбот ви е во сериозни проблеми

Откријте дали болката во горниот дел на грбот е последица на некои животни навики или се работи за итен случај

Премногу време минувате пред компјутер? Болката во горниот дел од грбот најчесто е последица на неправилна положба на телото при седење. Седењето и гледањето во монитор ги стега мускулите на градниот кош и ги растегнува мускулите во горниот дел на грбот. Резултатот е грчеви во мускулите во подрачјето на рамената. Болката во мускулите околу вратот и рамената, освен од неправилната положба на телото, може да биде и последица на низа причини. Некои од почестите се стрес, прекумерна физичка активност, како и искривена положба на вратот при спиење.

Знаци кои укажуваат дека морате што побрзо да побарате лекарска помош:

Болка која не минува

Сте се обиделе со сите методи на самолекување – масажа, нов душек за спиење, но болката во горниот дел на грбот не поминува. Тоа може, иако не е чест случај, да е знак на тумор на белите дробови. Имено, ракот на бели дробови во напреднат стадиум може да предизвика болка во коските. Друг симптом е намалување на телесната тежина, болка во градите и чувство на слабост. Ако болката во горниот дел на грбот не минува и е толку силна да ве буди навечер, веднаш обратете се на лекар.

Болката се шири и на страничниот дел на грбот

Секој кој имал проблеми со камења во бубрезите знае дека тоа може да доведе до силна болка, која се јавува и во горниот дел на грбот. Но, тешко е дека само болката во грбот ќе биде симптом на оваа состојба. Ако се работи за тоа, голема е веројатноста да чувствувате болка и во страничниот дел на грбот, како и под ребрата на грбот.

Седењето и гледањето во монитор ги стега мускулите на градниот кош и ги растегнува мускулите во горниот дел на грбот.

Имате покачена температура

Понекогаш силната болка до горниот дел на грбот може да биде проследена со покачена телесна температура, вкочанетост или трнење во рацете, што е последица на инфекција на ‘рбетот. Тоа е многу ретка болест, а зголемен ризик за неа имаат лицата со ослабен имунитет, заболени од рак, дијабетес или лица со прекумерна телесна тежина. Ако постои сомнеж за спинална инфекција, лекарот ќе ве упати на дополнителни испитувања за точно утврдување на дијагнозата.

Исцрпеност

Обрнете внимание на знаците кои може да укажуваат на срцев удар, а тие се мачнина, краток здив, голема исцрпеност и болки воо грбот.

Слабост во нозете

Ако чувствувате слабост во нозете можеби се работи за дискус хернија, а до тоа може да дојде ако при подигање на тежок товар ја користите силата на грбот, наместо на нозете. Ако чувствувате болка во горниот дел на грбот проследена со трнење и слабост во рацете или во нозете, тоа може да биде знак за невролошка повреда, односно дискуд хернија.