Кикиритките се особено богат извор на хранливи материи, витамини, влакна и антиоксиданти, кои се важни за нормалното функционирање на организмот.
Путерот од кикиритки може да се консумира суров, како намаз или да го додадете во разни салати и јадења.
Еве ги здравствените придобивки од кикиритките.
Го намалуваат нивото на холестерол
И покрај тоа што се богати со калории, многу студии покажале дека кикиритките и путерот од кикиритки помагаат во намалување на холестеролот, триглицеридите и не предизвикуваат зголемување на телесната тежина.
Го контролираат нивото на шеќер во крвта
Едно истражување покажало дека појадокот на база на кикиритки може да помогне при контрола на шеќерот во крвта во текот на денот, па дури и ако сте изеле ручек полн со јаглехидрати.
Кикиритки за витка линија
Кој јаде кикиритки и путер од кикиритки може да се пофали со повитка линија за разлика од оние кои консумираат храна со повеќе калории.
Се разбира, сите овие придобивки од консумирањето на кикиритките важат само во случај да не сте алергични на нив!
Добри масти
Кикиритките помагаат во слабеењето и полни се со хранливи состојки и добри масти.
Ја зајакнуваат меморијата
Кикиритките се храна за мозок. Истражувањата покажале дека витаминот Б3, кој се наоѓа во кикиритките има многу здравствени придобивки, што вклучува подобрување на работата на мозокот и ја зајакнува меморијата.
Го подобруваат варењето
Кикиритките, исто така, содржат влакна, кои се исклучително корисни за непречено функционирање на цревата и добро варење. Ако сакате да го намалите ризикот од рак на дебелото црево, како и создавање на камења во жолчката, воведете ги кикиритките во своето секојдневно мени.
