Меѓу есенските плодови се наоѓаат и многу коренести зеленчуци. Овој зеленчук, поради пријатниот вкус, бројните корисни нутриенти и лековитост, неопходно е да се вброи во редовната исхрана.
Лековити својства на коренестиот зеленчук. Секој вид зеленчук има своја специфичност, но на сите им е заедничко:
- Јакнење на имунитетот
- Делуваат противоспалително
- Поволно делуваат на органите за варење (особено на работата на цревата)
- Го подобруваат метаболизмот
- Помагаат во чистењето на организмот од токсини
- Ја намалуваат опасноста од хронични и малигни болести
Сите видови коренест зеленчук содржат:
- Јаглехидрати
- Прехрамбени влакна
- Витамини (најмногу Ц, Д, Е, К и Б комплекс)
- Минерали
- Заштитни супстанци (алколоиди, етерични масла, каротеноиди)
- Многу малку протеини и маснотии
Многу од овие состојки спречуваат штетно делување на слободните радикали, па бидејќи го успоруваат процесот на стареење, спречуваат и појава на дегенеративни болести.
Во коренест зеленчук спаѓаат: целер, цвекло, морков, пашканат, репка, магдонос, ротквица.
Како да го користите овој зеленчук
За подобро да се искористат благодатите од овој зеленчук, треба правилно и да се подготват. Младите листови од овој зеленчук може да се користат за јадење, а оние од целерот, морковот и магдоносот се добри како зачин. Коренот не се лупи бидејќи изобилува со корисни материи. Само убаво се мие. Секогаш додадете малку маснотија за каротеноидите да се растопат и на телото да му бидат попристапни.
