Боранијата е нискокалорична, но затоа е богата со растителни влакна и протеини. Само една шолја боранија содржи доволно протеини за цел ден. Бројанијата содржи и омега 3 масни киселини, секако од растително потекло.
Оваа здрава намирница е богата со витамин К, кој има значајна улога за контрола на згрутчувањето на крвта, а го расподелува калциумот во организмот. Богата е и со витамин Ц, а содржи и витамини од групата Б, како и фолат (природна форма на витамин Б9) и витамин А. Боранијата содржи и бакар, хром, магнезиум, калциум, натриум, фосфор и железо. Посебно е корисно што боранијата содржи значителна количина на силициум, кој е многу важен за здравјето на коските и сврзните ткива.
Поради сето ова наведено, консумацијата на боранија може многу позитивно да влијае на организмот. Пред се, боранијата е диетален продукт богат со влакна, и затоа се препорачува во сите диети.
Некои истражувања посочиле дека со консумацијата на боранија се намалува холестеролот, но за да се постигне саканиот ефект, најдобро е само кратко да ја варите на пареа.
Сите видови на боранија имаат многу низок гикемиски индекс, па се погодни за дијабетичарите. Нивниот специфичен состав прави позитивно да делува и на нивото на шеќер во крвта, односно гдопринесува во неговото регулирање. Значителната содржина на витамин К и силицум ја прави боранијата да биде многу значајна во одржувањето на коските и тетивите.
