Магдоносот е зачинска билка која се користи уште од минатото поради своите лековити својства и е многу повеќе од зелени гранки и ливчиња за декорација. Нема голема калориска вредност, но е исклучително богат со минерали и витамини. Претставува една од најздравите и најлековитите билки која содржи калиум, железо, магнезиум, манган, бакар. Се препорачува да се јаде свеж бидејќи само така ги задржува своите здрави и лековити состојки. Докажано е дека има антиинфламаторни својства, како и тоа дека помага во зајакнувањето на имунитетот.
Антиоксиданти
Добрата страна на магдоносот е и тоа што содржи во себе многу антиоксиданти кои се борат против слободните радикали и нивните штетни влијанија врз организмот.
Витамин А и Ц
Магдоносот е богат со витамини А и Ц. Тој содржи четвртина од потребната дневна доза на витамин Ц, а само од неколку гранчиња магдонос кожата и косата стануваат поздрави и имуни на системски болести. Витаминот А помага при проблеми со видот и потребната дневна доза може да ја добиете доколку консумирате четири до пет гранчиња магдонос.
Флавоноиди
Содржи фитохемикалии познати под името флавоноиди. Освен што му даваат боја, тие се и диуретик и можат да го намалат крвниот притисок. Ги прочистува бубрезите од бактерии и токсини и го намалува ризикот од појава на камен во бубрезите.
Ги ублажува стомачните грчеви
Магдоносот ќе ви го освежи здивот, но и ќе ви ги ублажи стомачните грчеви затоа консумирајте го секојдневно свеж како додаток во салати или главно јадење.
