Познато е дека јајцата се нутритивно вредни намирници, со исклучителен протеински профил, а во просек содржат само 70 калории по парче. И воопшто не содржат многу масти! Белката се смета за идеален извор на белковини затоа што содржи многу есенцијални аминокиселини во вистински размери. Теориите дека го покачуваат холестеролот веќе се отфрлени, и затоа не треба да се одбегнуваат, а се почесто се истакнува дека се пожелна намирница ако сакате да ослабете.
Со оглед на тоа дека се богати со белковини и здрави масти заситуваат, иако немаат многу калории.
Една студија спроведена меѓу 30 жени со прекумерна тежина, а кои јаделе јајца за појадок покажала дека во следните 36 часа тие јаделе помалку. Друга студија, пак, докажала дека ако јадеме јајца за појадок, се забрзува губењето на тежината – се разбира, под услов личноста да внимава на внесот на калории.
Истражувањето пак направено на познатата Мајо клиника покажало дека со консумацијата на четири јајца неделно нема да го зголемите ризикот од болести на срцето.
За здрави личности се препорачува внес на помалку од 300 мг холестерол дневно, додека за оние со кардиоваскуларни болести или дијабетес се препорачува ограничување на внесот на холестерол на 200 мг дневно.
И колку за информација – едно големо јајце содржи отприлика 186 мг холестерол кој се наоѓа во жолчката.
