На пример, вегетаријанците со урамнотежена исхрана своите протеини ги добиваат исклучиво од јајцата. Од друга страна, јајцата веќе со децении се поврзуваат со високи нивоа на холестерол така што многумина веруваат дека кајганата од белки всушност е „златна средина“ и подобар избор од кајганата која во себе содржи и жолчки. Меѓутоа, последните истражувања говорат дека холестеролот од јајцата всушност не го поткрева нивото на холестерол во крвта, но затоа, пак, црвеното месо се нашло на листата штетни намирници. Кога се зборува за протеините и здравата исхрана, дали јајцата се подобар избор од месото?
Постојат причини зошто некои луѓе јајцата ги нарекуваат совршена храна – со само 70 калории јајцата се вистински бомби полни со нутритиенти, па се еден од најдобрите извори на протеини кои може да се консумираат. Секое јајце содржи околу 6 грама протеини кои имаат поголема биолошка вредност од протеините од други извори. Со други зборови, не се сите протеини еднакви, а протеините кои се добиваат од јајцата човековото тело најлесно ќе ги синтетизира и искористи.
Жолчката од јајцата е преполна со добри масти и содржи дури 18 корисни витамини и минерали, па заради тоа се одличен извор на енергија. Исто така, јајцата содржат и бројни антиоксиданти кои го штитат организмот од разни заболувања меѓу кои се, на пример, ракот и хипертензијата.
Жолчките содржат и каротеноид кој освен што им ја дава нивната препознатлива боја содржи и противвоспалителни својства кои го штитат организмот од разни заболувања што може да се јават со годините. Исто така, каротеноидот е одличен и за здравјето на очите.
