Ако некогаш сте држеле диета сигурно сте забележале дека во првите неколку дена губите ист број килограми како оној што ќе го загубите во следните две, па дури и три недели. Тоа се случува затоа што нашето тело е „програмирано“ веднаш да се навикнува на режимот на исхрана кој му е зададен, но прво ја губи водата, глукозата и мускулното ткиво, а маста – па не баш онака како што сме очекувале.
Заради тоа од првите неколку килограми кои ќе ги загубите само 25 отсто е чиста маст. Токму затоа би требало да одбегнувате диети кои се базираат на гладување – затоа што првата жртва ќе бидат токму мускулите, а научниците објаснуваат дека е подобро да имате мускулесто тело, па макар и со ист број килограми.
Зошто ритамот на губење килограми со должината на траење на диетата се намалува? Тоа е затоа што после губењето на првите неколку килограми телото се „спротивставува“ на понатамошното губење килограми.
Телото после некое време почнува да согорува масти и тоа со бавно темпо. Сепак, постои начин да се забрза согорувањето на мастите, а тоа не значи дека треба да јадете уште помалку, туку да се бавите со некоја физичка активност. Така ќе го зголемите бројот на потрошени калории, а истовремено ќе го тонирате телото и ќе слабеете.
