Психолошките игри не можат да бидат замена за вистинска љубов. Освен тоа, честопати се поистоветуваат стабилноста и здодевноста во врската, односно нестабилноста и забавата. Затоа често сигурен партнер кој нуди стабилен однос, погрешно се смета за здодевен. Сите кои бараат разонода и возбуда во љубовната врска многу грешат, бидејќи интересен е животот, а не само врската.
Првата причина е таа дека не веруваат во постоење на траен складен однос. Често како деца гледале како мама и тато се караат и заклучиле дека заедничкиот живот е полн со недоразбирања и со измами.
Втората причина е одбивањето емотивно да пораснат и да созреат. Некои луѓе ниту во триесеттите ниту во четириесетите не сакаат да пораснат, бидејќи мислат дека животот ќе им биде пресериозен и напорен и остануваат вечни момчиња. А врзувањето за некого и имањето деца, дефинитивно е знак дека пораснале.
Третата причина е преценување на сексот. На жените се гледа како на сексуален објект кој постојано мора да предизивикува страст и желба за секс. Меѓутоа, доколку сексуалноста не е проследена со емотивно врзување страста не трае долго. Поради тоа, мажот се врти кон една, друга, трета, четврта жена и така до бескрај.
