Личностите кои редовно пијат две до три кафиња дневно имаат помал ризик од дијабетес тип 2, болести на црниот дроб, мозочен удар и деменција. Кофеинот, исто така, ја подобрува концентрацијата, потоа расположението, метаболизмот и е безбеден за консумирање доколку се внесува во мали и умерени количества. Меѓутоа, поголемите дози кофеин може да предизвикаат сериозни и несакани ефекти.
Истражувањата покажале дека чувствителноста на кофеин е генетски условена така што некои луѓе може да испијат многу повеќе кафе и други напитоци со кофеин, а притоа да не почувствуваат никакви неповолни ефекти. Од друга страна, луѓето кои не се навикнати на кофеин може негативно да изреагираат и на умерено количество кафе. Некои од најчестите несакани симптоми кои се јавуваат се нервоза, несоница, замор, дигестивни тегоби, зголемен крвен притисок, забрзан пулс, често мокрење итн.
