Бразилското оревче расте на дрво во Бразил, Перу, Венецуела и Колумбија, а достигнува висина до 50 метри. Ова занемарено оревче е ретко на трпезата поради високата цена, но во мали количини има благотворно дејство на организмот.
Дневно се препорачува да се консумира само по едно оревче, бидејќи поради големата количина на селен може да предизвика труење, кое е опасно по живот. Повеќе од четири оревчиња на ден може да бидат токсични.
Бразилското оревче има цела низа на корисни ефекти врз организмот. Тоа е ризница на различни минерали и антиоксиданти. Содржи цинк, магнезиум, фосфор, бакар, манган и железо
Одличен извор на протеини и растителни влакна, што го прави одличен сојузник на диетите и вежбањето – помага во изградба на мускулите и го продолжува чувството на ситост.
Го неутрализира штетното дејство на слободните радикали во организмот, штити од кардиоваскуларни болести и рак на простата.
Исто така, се консумира и за намалување на стресот, против мигрена и за подобра меморија. Особено е препорачливо за луѓе со проблеми со тироидната жлезда, бидејќи ги враќа хормоните во нормала.
Едно оревче на ден може да ве заштити од есенската депресија и да го подобри расположението. Ако страдате од несоница, можете да испробате домашен пијалак: сомелете го бразилското оревче и измешајте го со чаша млеко и мед и испијте го пред спиење.
