Сувата смоква се смета за суперхрана која ни е достапна преку целата година, но тешко може да го надмине сочниот, свеж плод кој на нашите простори се одгледува со години.
Свежата смоква содржи до 80 проценти вода, а со оглед дека од нутриционистички апспект симулира енергија, најдобро е да се јаде наутро.
- Го намалува крвниот притисок
Смоквите се одличен извор на калиум, кој помага при намалување и регулирање на крвниот притисок. Минералот калиум слабо ни е достапен во храната, а ни е неопходен за функционирање на организмот.
- Помага при слабеење
Таа е добар извор на прехранбени влакна кои ја подобруваат дигестијата и даваат чувство на ситост, па така помага и во намалување на вишокот килограми. Смоквата содржи поголема количина растопиви и нерастопиви влакна од останатото овошје. Растопивите влакна влијаат и на намалување на холестеролот во крвта. Во 100гр смокви има само 74 калории.
- Го намалува шеќерот во крвта
Листот од смоква го намалува нивото на шеќерот во крвта. Листот освен во подготовка на различни јадења, може да се користи и кај чај. Некои истражувања покажале дека смоквата помага во регулирање на шеќерот кај лица кои имаат дијабетес тип 1.
- Помага за добро распложение
Содржи голема количина на витаминот Б6 кој на телото му дава енергија, обезбедува еластичност на кожата и ги јакне мускулите. Овој витамин ја подобрува работата на мозокот, а со тоа и концентрацијата и целокупното расположение. Ако страдате од несоница или ПМС, смоквата поради високиот процент на магнезиум, може да помогне.
- Содржи богатство на минерали и витамини
Високата концентрација на глукоза и фруктоза претставува здрава замена за белиот, индустриски шеќер. Смоквата содржи многу железо, калциум, калиум, магнезиум, витамин Б6, Е, Ц и витамин А. Богата е со бета-каротен, а помага и при исцрпеност и за детоксикација.
