Гужва на работа, прилагодување на термини, неможност да се руча во исто време секој ден, сето тоа се предизвици на кои наидува вработеното лице кое сака здраво да се храни.
Ова се неколку совети како да ја подобрите исхраната на работното место.
- За бистар ум и виталност, појадувајте секој ден.
- Задолжително земете си со себе свежо или суво овошје или јаткасти плодови за полесно да ја пребродите енергетската криза меѓу оброците.
- Не консумирајте ручек без зеленчук, неважно дали е свеж или варен.
- Фаст фуд=бавен ум.
- Ниту една намирница не е забранета, се е работа на умереност и разноликост.
- Јогуртот е многу добар пријател на дигестијата, имунитетот и на витката линија.
- Немојте само да размислувате дека треба, туку практикувајте – пијте два литра вода и билни чаеви секој ден.
- На благите работи, масните грицки и алкохолот не им е место во канцеларијата.
- Две кафиња дневно се доволно, три е премногу.
- Секогаш одвојте доволно време за оброк, јадете полека и уживајте во секој залак.
