Стручњаците го тестирале проспективното помнење (помнење на она што треба да се направи) кај лица постари од 65 години.
Рузмаринот и нането го подобруваат расположението и помнењето, особено кај лица во третата животна доба, покажало истражувањето спроведено на државниот универзитет во Велика Британија.
Авторите откриле дека пиењето чај од нане го зголемува степенот на концентрација, како и дека само вдишувањето на мирис од рузмарин позитивно влијае на помнењето кај лица постари од 65 години.
Интересно е да се спомене дека мирисот на лаванда го слабее помнењето, додека чајот од камилица, кој инаку има смирувачко дејство, го успорува помнењето и го намалува нивото на концентрација.
„Откривме дека луѓето се многу повеќе концентрирани по престој во просторија исполнета со мирис на рузмарин. Го тестиравме проспективното помнење кај лица постари од 65 години и откривме дека рузмаринот може да ја подобри таа способност“, објаснува авторот на студијата д-р Марк Мос. Тој додава дека ова е многу важно затоа што проспективното помнење, меѓу останатото, овозможува и овие лица да ги земаат лековите во одредено време во денот.
Рузмаринот ги ублажува тешкотиите со дигестијата, ја смирува депресијата, главоболката, ја поттикнува циркулацијата на крвта и ја поттикнува работата на жолчката.
Како чај може да се користи за ублажување на болки при артритис, делува антивоспалително, антибактериски и антивирусно. Освен што го подобрува помнењето, го намалува и стресот. Неважно дали рузмаринот се користи свеж или сув, еднакво е ефикасен и има силни лековити својства.
