6 совети за намалување на анксиозноста и паниката за време на пандемијата со коронавирусот

Како би го намалиле стресот во наредниот период, ви претставуваме неколку совети за кои д-р Андреа Бониор смета дека ќе ви помогнат при анксиозноста.

КОВИД-19 полека предизвикува одредени промени на рутината во животот на луѓето. Постојат одредени неизвесности околу тоа што ќе се случува во наредните неколку дена, недели и месеци, а вознемиреноста, паниката се зголемува не само кај оние кои веќе се склони кон анксиозно размислување, туку и за поединци за кои обично тоа не е проблем.

ВНИМАВАЈТЕ НА СОНОТ И ВЕЖБАЈТЕ

Една од првите работи која паѓа во “втор план“ за време на акутниот стрес, особено кога вообичаените рутини се променети, е и секојдневниот ритам за грижата за самите себе. Но, токму тоа има контраефект во овој период, бидејќи она што не принудува во прв план да се чувствуваме приземни и смирени, е рутината на која сме навикнале.

Затоа, земајќи го предвид новиот распоред, може да бидете во искушение подоцна да си легнувате навечер, повеќе време да минувате на мобилен телефон или да се откажете од вообичаените прошетки во своето маало, но токму тоа долгорочно може да резултира со стрес и немир. Сонот и физичката активност се приоритет. Важно е да продолжите со регуларното легнување на спиење, наместо одење во теретана да вежбате дома, а својата дневна рутина за прошетка, може да ја замените со дополнителни минути вежбање или со внесување нови активности, како што е танцувањето по дома.

СМИРЕТЕ ГО СВОЕТО ТЕЛО

Кога човек ќе почувствува одредена закана, неговиот периферен нервен систем работи “прекувремено“ и во “поголема брзина“ – тоа е начин на кој еволуцијата обезбедила да бидеме сигурни на можната борба против одредени закани. Проблемот е во тоа што еволуцијата не предвидела хронични состојби на стрес во кои човечкото тело, односно нервниот систем подолго време работи во “поголема бризна“, а токму тоа може да наведе да се чувствувате полошо од вообичаено.

Кога телото е анксиозно, мозокот често го следи. Пукање на прстите, згрчена вилица и плитко дишење се само некои од симптомите на стрес и анксиозност кои може да ги смирите со медитација или прогресивно опуштање на мускулите. Дури и лесна масажа или лежење на рамна површина во подигнати нозе може да помогне во намалување на анксиозноста.

ПРОНАЈДЕТЕ СОЦИЈАЛНА ПОДДРШКА ЗА ВРЕМЕ НА СОЦИЈАЛНА ДИСТАНЦА

Иако социјалната дистанца и изолираност сега се потребни поради јавното здравје, факт е дека таа може да доведе и до одвојување од емоционална поддршка. Емоционалната поддршка им помага на луѓето побрзо да се опорават од трауми и го намали крвниот притисок. Затоа, задолжително пронајдете осмислени начини и натаму да бидете поврзани со оние кои ги сакате, дури и тогаш кога лично не ги гледате.

Постојат одредени неизвесности околу тоа што ќе се случува во наредните неколку дена, недели и месеци, а вознемиреноста, паниката се зголемува не само кај оние кои веќе се склони кон анксиозно размислување, туку и за поединци за кои обично тоа не е проблем.

НЕ ДОЗВОЛУВАЈТЕ МОЗОКОТ ДА ВЕ ВОВЕДЕ ВО НЕГАТИВНО РАЗМИСЛУВАЊЕ

Во вакви ситуации, мозокот понекогаш има тенденција на пополнување на празнините и поврзување на точките. Проблемот е што тогаш може да дојде до искривување на сликата, по што може непотребното и неточно мислење да се прифати како апсолутно точно. Продолжете да бидете љубопитен набљудувач, но немојте автоматски да претпоставите дека се што ќе видите и слушнете е вистина. Немојте на “паднете“ во целосно негативно размислување, оти тоа ќе ве наведе да барате само негативни информацци кои се поклопуваат со вашите ставови и стравови, отфрлајќи ги информациите кои всушност би можеле да ве смират.

ДРЖЕТЕ СЕ ПО ПОЗНАТОТО И ПРЕПОЗНАТЛИВОТО

Одредни истражувања покажале дека чувствата на предвидливост и контрола помагаат во намалување на реакцијата на стрес. Моменталниот проблем, секако доаѓа во вид на промена на рутината. Луѓето не одат на работа, децата не одат во градинка и училиште, избегнувате јавен превоз и слично. Но, обидете се да пронајдете предвидливост онаму каде тоа е можно. Можеби секое утро сакате да појадувате одредена храна или секоја вечер со семејството може да изиграте партија на вашата омилена друштвена игра. Малите аспекти на вашата семејна рутина, ќе ви помогнат заедно да се чувствувате помирно.

ПОБАРАЈТЕ УБАВИНА И БИДЕТЕ БЛАГОДАРНИ

Убавите моменти и натаму постојат, а сега е време да се приземјите и да ги видите. А кога еднаш ќе ги видите, тие во вас ќе поттикнат добро расположение. Можеби тоа е цвет во домот кој штотуку расцветал и кој носи нова надеж и живот, можеби тоа е благодарност за за сите луѓе од здравствениот сектор и благодарност за нивната храброст и пожртвуваност, а можеби тоа е слушање на омилените песни. Малите моменти исто така се бројат. Колку повеќе убави моменти пронајдете, толку повеќе ќе си помогнете во негувањето на својот ум и срце, на кои моментално им е потребна сета нега што можат да ја добијат.

ПРОЧИТАЈТЕ СЕ ЗА КОРОНАВИРУСОТ:

♦ Кои се симптомите?

♦ Што треба да знаете за КОВИД-19?

 

 

♦ Како да знаете дали сте за заразиле со коронавирус или станува збор за грип?

♦ Мерки на заштита од коронавирусот

♦ Интервју со д-р Александар Сајковски