Ако јадете луто барем 4 пати неделно, подолго ќе живеете!

Ефектите кои ги имаат лутиот сос, пиперчињата, ренот, црниот пипер и останатите лути намирници се движат од мошне добри до прилично незгодни

Сигурно барем еднаш во животот сте пробале лута храна и сте го имале она чувство како устата буквално да ви гори. Иако консумирањето лути намирници понекогаш е болно искуство, луѓето ширум светот и понатаму секојдневно уживаат во ваквата храна. Ефектите кои ги имаат лутиот сос, пиперчињата, ренот, црниот пипер и останатите лути намирници се движат од мошне добри до прилично незгодни, а во продолжение откријте какви се последици ќе имате заради консумацијата на овој понекогаш тешко сфатлив зачин.

Ги стимулира рецепторите за болка на јазикот 
Заради капсаицинот, главната состојка на лутиот сос, вашата уста верува дека сосот е врел затоа што се поврзува со сетилните рецептори на вашиот јазик. Истите рецептори му јавуваат на мозокот кога, буквално, горите!

Го збунува мозокот
Со оглед на тоа дека овие рецептори на јазикот ги активираат и топлината и капсаицинот (но тој самиот не разликува за што точно се работи), со консумирање на лут сос вашиот мозок верува дека температурата е многу повисока отколку што навистина е, односно дека горите. Всушност не горите, но од некоја причина ви се допаѓа тоа чувство.

 

Ја зголемува телесната температура
Лутиот сос ја зголемува вашата телесна температура заради што се потите, се вцрвенувате (заради ширењето на капиларите), а не е реткост ниту течењето на носот. Не заборавајте, сето ова е реакција на потполно измислената топлина.

Го зголемува дотокот на крв во желудникот 
Рецепторите за болка на вашиот јазик се слични на оние кои можеме да ги најдеме на ѕидовите на желудникот, заради што со консумација на лута храна можете да почувствувате грчеви, а понекогаш и нагон за одење во тоалет. Но не грижете се, сето ова всушност го забрзува вашиот метаболизам.

Засилено лачење на секрет
Печењето кое го чувствувате во носот и на својата кожа го зголемува нивото на плунка кое се создава во устата, заради што почесто ќе голтате. Меѓутоа ако сакате да се „изладите“ мразот не е решение! Капсаицинот не се растопува во вода, туку преферира масло и масти, заради тоа млекото и киселата павлака се мошне ефикасни во намалувањето на чувството на жештина.

 

Ја зголемува циркулацијата на крвта
Лутата храна делува како стимуланс – го зголемува дотокот на крв во желудникот, ја забрзува работата на срцето и генерално на телото му дава енергија.

Го продолжува животот
Иако чувството на горење главно не трае подолго од 15 минути, некои студии покажале дека големото количество витамин Ц во капсаицинот (а може и сето досега наведено) доведува до продолжување на животниот век меѓу љубителите на лута храна, барем кај оние кои ја консумираат 4 пати неделно.