Старите Египќани ја нарекувале билка на бесмртноста, а модерниот човек се почесто посегнува по нејзините лековити својства. Алое-вера е омилена билка во многу домови. Таа е многу повеќе од помош за изгореници и рани на кожата, содржи до 75 биоактивни компоненти кои му помагаат на организмот за многу состојби, од лекување на акните до зајакнување на имунитетот.
Медицинската алое-вера има антивоспалителни, антибактериски, аналгетски и антимикробни својства. Алоето изобилува со витамини А Б1, Б2, Б6, Б12, Ц и Е, а содржи и фолна киселина и холин.
Покрај витамини, алое-вера содржи и минерали како бакар, магнезиум, калиум, калциум, цинк, манган, хром и селен. Тие делуваат на зголемувањето на функционалноста на ензимите и во зајакнување на метаболните патишта кои ги одржуваат клетките во добра кондиција. Фактот дека содржи 20 од 22 аминокиселини, од кои седум есенцијални аминокиселини, значи дека алое-вера помага во зајакнувањето на имунолошкиот систем и обезбедува правилна синтеза на хормоните, протеините и ензимите.
Оваа извонредна билка е богата и со ензими како амилаза, липаза, брадикиназа и уште шест други, со што го поттикнува метаболизмот и дигестивниот систем во целина.
Алоето може да се користи во облик на густ гел кој помага за решавање дерматолошки проблеми, како ублажување изгореници или зацелување на рани. Сокот од алое нуди многу предности како детоксикација на црниот дроб и бубрезите, балансирање на ПХ вредноста, олеснување на констипацијата, ги смирува акните и ги јакне срцето и имунитетот.
