Преполни со витамини, влакна и калиум, бананите имаат бројни позитивни ефекти врз човековото здравје. Ова омилено овошје изобилува со едноставен шеќер моносахаридна фруктоза, поради што е извонреден извор на енергија. Бананите се важен извор на калиум, кој е важен за контракција на мускулите, правилно функционирање на нервниот систем и добро функционирање на срцето.
Витаминот Б6 е клуч за производство на серотонин и допамин, невротрансмитери одговорни за добро расположение и правилна работа на метаболизмот. Ако имате проблеми со спиењето, бананите ќе ви помогнат. Содржат малку натриум, а многу калиум, кој е важен за нормалното функционирање на нашето тело. Тој е особено важен за одржување на нискиот степен на отчукувања на срцето. Калиумот од бананата ја стимулира работата на мозокот и го олеснува учењето и помнењето.
Бананите ја стимулираат работата на мозокот
Бананата содржи триптофан, аминокиселина која телото ја претвора во серотонин, познат по тоа што не опушта, ни го подобрува расположението и генерално, буди чувство на среќа. Ова уникатно тропско овошје е одлично за смирување на нервниот систем и не штити од депресија и стрес.
Научниците откриле дека секојдневното консумирање банани може да го намали ризикот од срцев удар за околу 40 проценти. Колку повеќе калиум јадеме, толку повеќе натриум излегува од нашето тело. Калиумот е витален минерал кој помага во нормализирање на отчукувањата на срцето, испраќа кислород во мозокот и го регулира количеството на вода во телото. Бананите, исто така, имаат и природен ефект против киселините во организмот, а се погодни и за ПМС, бидејќи го регулираат нивота на гликоза во крвта.
