![1](https://panacea.mk/wp-content/uploads/2020/11/1-11-696x417.jpg)
Лицата кои се позитивни на новиот коронавирус SARS-CoV-2 во првите пет дена откако ќе ги развијат првите симтпоми ќе бидат најзаразни и така најбрзо ќе го пренесат вирусот на останатите, потврдило ново истражување објавено во списанието Lancet. Поради тоа, потребна е што побрза изолација.
Од друга страна, лицата кои се асимптоматски, можат вирусот побрзо да го исфрлат од телото, па се заразни пократко време во споредба со оние кои имаат поизразени симптоми.
Истражувачите ги споредиле своите откритија за КОВИД-19 со два други соја на коронавирус за подобро да разберат зошто КОВИД-19 толку брзо се шири.
Откриле дека вирусното оптоварување (количината на вирус откриена во телото низ различни фази на инфекцијата) на SARS-CoV-2 (вирусот што предизвикува КОВИД-19) го достигнува својот пик во горните дишни патишта рано во текот на болеста, помеѓу појавата на симптомите и петиот ден.
За потсетување, најчести симптоми на коронавирусот се покачена телесна температура, сува кашлица и замор. Меѓу симптомите се и губење на осетот за мирис и вкус, болно грло, пролив, главоболка, додека најсериозни симптоми се тешко дишење и краток здив, болка во градите и отежнат говор и движење.