Чајот од магдонос природно ги чисти бубрезите и ја забрзува елиминацијата на токсини од организмот благодарение на диуретичкото дејство. Овој чај поволно делува на здравјето на бубрезите и црниот дроб, го поттикнува метаболизмот на мастите, помага во превеницијата од слабокрвност и на организмот му обезбедува повеќе енергија.
За да го направите овој здрав напиток додадете шака свеж магдонос или лажица сушен во половина литар зовриена вода и оставете на најниска температура да се вари уште 5 минути. Потоа чајот процедете го и оставете го да се излади. Можете да го консумирате секојдневно, најмногу во период од две недели. Исто така, повремено можете да го пиете кога ве мачи надуеност, гасови или грчеви во цревата, и тоа најдобро после јадење.
Сепак, некои личности не би требало да го пијат овој чај. А тоа се најнапред оние кои се на терапија со антикоагуланси, потоа личности кај кои е дијагностицирано некое бубрежно заболување, како и трудниците (магдоносот може да предизвика губење на плодот) и мајките кои дојат (магдоност ќе го запре лачењето млеко).
