Се работи за хронична состојба која може да се дијагностицира како примарна фокална хиперхидроза или генерализирана фокална хиперхидроза. Еве како оваа состојба ја опишуваат дерматолозите.
ШТО Е ПРИМАРНА ФОКАЛНА ХИПЕРХИДРОЗА?
Станува збор за зголемено, интензивирано потење кое може да се појави само на некои делови од телото, најчесто на пазувите, дланките, стапалата или на челото, а доколку се појави по целото тело се работи за генерализирана хиперхидроза. Во прашање е клиничка состојба која се јавува во раните години од животот и зафаќа одреден дел од телото.
“Според дефиницијата, примарната фокална хиперхидроза се јавува без причина и без причинител. Можам да кажам дека поголем дел од луѓето ја имаат оваа состојба уште од детството, но ретко сфаќаат за што се работи”, вели д-р Адам Фридман, професор по дерматологија. Таа се разликува од генерализираната што ќе биде предизвикана од некоја медицинска состојба или лекови што го користи лицето. Се јавува ненадејно и не престанува ниту кога спиете, па затоа е важно да посетите лекар и да разговарате за лековите што ги користите.
КОИ СЕ СИМПТОМИТЕ НА ФОКАЛНАТА ХИПЕРХИДРОЗА?
Американската академија за дерматологија објаснува како може да се забележи прекумерно потење:
- На одреден дел од телото
- На двете страни на телото
- Брзо по будењето
- Најмалку еднаш неделно
Препоните, градите, грбот и пределот под градите се места каде може да дојде до зголемено потење.
ШТО ЈА ПРЕДИЗВИКУВА ОВАА СОСТОЈБА?
Кога потните жлезди премногу работат, тие произведуваат повеќе пот. Зошто се случува ова? Стручњаците од Клиниката Кливленд истакнуваат дека оваа состојба често се јавува во семејството, па можно е да се работи за генетска компонента.
КАКО ДО ДИЈАГНОЗА?
Преку тестови и разговор лекарот ќе заклучи за која форма на болеста се работи, а кога ќе се исклучи генерализираниот тип, ќе се поставуваат нови прашања. Еден од нив е дали проблемот се јавил во младоста. Исто така, се поставува прашањето дали зголеменото потење се јавува само на едно или повеќе места. Ако е во прашање оваа состојба, потењето престанува навечер, а ако продолжува и кога спиете, може да има друга состојба во позадина. Исто така, важно е да му кажете на вашиот лекар ако оваа состојба често ви пречи или ако се појавила само една епизода на прекумерно потење на одредени делови од телото. Ако е во прашање примарна форма на болеста, тогаш потењето не се јавува постојано и варира во времетраењето и е независна од температурата на воздухот.
