Синдромот на иритабилно црево е еден од најчестите пореметувања на дигестивниот систем кое се карактеризира со хронични болки во стомакот, промена на ритамот на празнење на цревата и изгледот на столицата, појаснуваат лекарите.
“Се проценува дека овој синдром е причината за околу 50% од посетите на гастроентеролошка амбуланта. Преваленцата изнесува околу 10-20%“, вели д-р Антонела Муслим, специјалист гатроентеролог.
Во денешно време, преваленцата на синдромот на иритабилно црево има тенденција на раст, што може да се препише на модерниот начин на живот кој подразбира забрзано темпо, преголема амбиција, континуирана психичка напнатост и стрес, недоволна физичка активност и консумирање на брза и конзервирана храна.
Од секојдневната пракса, докторката воочува дека значаен број на пациенти со симптоми на синдром на иритабилно црево, како водечки стрес фактор ја наведуваат актуелната пандемија со коронавирусот. Следствено на тоа, за очекување е дека бројот на пациенти со синдром на иритабилни или нервозни црева ќе се зголемува.
Синдромот на иритабилни црева е за околу 2-2,5 пати почест кај жените во однос на мажите, но причината поради која жените покажуваат поголема сензитивност за ова пореметување, е непозната.
Кои мали промени може да ги воведете во рутината?
- НАМАЛЕТЕ ИЛИ ЕЛИМИНИРАЈТЕ АЛКОХОЛ
Алкохолот иритира, а само еден пијалак може да предизвика гастроинтестинални проблеми кај некои луѓе.
- ИЗБЕГНУВАЈТЕ КАФЕ
Поради кофеинот може да се јават симптоми на иритабилни црева, а зрната каде содржат ензими кои го иритираат дигестивниот тракт.
- ВНИМАВАЈТЕ НА ВНЕСОТ НА МЛЕЧНИ ПРОИЗВОДИ
Ако млекото и останатите млечни производи ви пречат, можеби сте интолреантни на лактоза. Проазговарајте со лекар за тоа која може да биде причината за вашиот проблем. Млечните производи им пречат и на лица со овој синдром, дури и кога не се интолерантни на лактоза.
- ВНИМАВАЈТЕ ШТО ПИЕТЕ
Пијте осум чаши вода дневно. Пожелно е да се избегнуваат газирани пијалаци. Соковите често содржат кофеин и вештачки засладувачи, па може да дојде до гастроинтестинални проблеми.
- ЈАДЕТЕ ЧЕТИРИ ДО ПЕТ МАЛИ ОБРОЦИ ДНЕВНО
На овој начин нема да прегладнете и да се доведете во ситација во која ќе се прејадете. Големитеоброци може да доведат и до грчеви и пролив. Балансирајте го внесот на влакна.
