Луѓето што носат очила често мислат дека се попаметни од другите и изгледа дека се во право, барем така велат научниците.
Експертите од Универзитетот во Единбург ги објавија резултатите од еден обемен проект, чија цел е откривање кои гени влијаат на нивото на „општата когнитивна функција“, клучен показател на интелигенцијата.
Еден од резултатите е и оној по кој луѓето со повисоко ниво на когнитивна функција често носат очила или контактни леќи.
Научниците анализирале 300 486 луѓе на возраст од 16 до 102 години во рамки на студијата, објавена во научниот магазин „Nature Communications“.
Тие откриле дека со интелигенцијата се поврзани 148 гени
Поинтелигентните луѓе 30 отсто почесто носеле очила или контактни леќи или се генетски предодредени да ги носат во иднина.
Но, немојте да се радувате ако сте далековидни. Истражувањето, всушност, покажало дека позитивната врска помеѓу интелигенцијата и видот се однесуваат само на лицата со миопија или кратковидност.
Студијата, исто така, укажала на врската помеѓу повисокото ниво на когнитивни функции и здравствените проблеми, како што се кардиоваскуларните болести и хипертензијата (висок крвен притисок) и депресијата.
