Каро А. Ламберт, експерт за социјални односи, открива за „Psychology Today“ што значи да се биде психолошки злоупотребуван и зошто овој тип на насилство никако не би смеело да се игнорира. Во продолжение – шест знаци на психолошка злоупотреба во кои можеби ќе се препознаете самите или ќе препознаете некој од вашите блиски.
Жртвите често не знаат дека се жртви
Ламберт предупредува дека психолошкото злоупотребување заедно со насилните тактики со кои доаѓа во пакет, честопати е тешко да се забележи.
Особено кај жените овој вид на злоупотреба можат да остави голема штета врз менталното здравје доколку се игнорира или не се детектира на време
Ако злоупотребуваните лица забележат промени во сопственото расположение или однесување, главно нема да ја бараат причината за тоа во начинот на кој нивниот партнер комуницира со нив.
Но овие скриени „повреди“ целат кон мислите, чувствата и перцепцијата на жените. Кога ќе ги забележите знаците мора да се заштитите самите себе и да одберете начин како тоа ќе го направите, но првенствено мора да прифатите и да увидите дека сте жртва на злоупотреба.
Кои се знаците на психолошко злоупотребување?
Ламберт на примерок од 1000 жени кои доаѓале кај неа направила листа на шест главни знаци на психолошко злоупотребување.
Тие се рефлектираат спрема ситуацијата која вашиот партнер ја создава, која, пак, предизвикува големи негативни промени во вашиот живот.
- Ако си била сигурна во себе и самоуверена досега, а сега постојано се сомневаш во себе и не си сигурна.
- Претходно си се чувствувала приземно и си верувала во самата себе, а сега си се почесто збунета и неодлучна.
- Ако си била среќна и доследна, сега најверојатно се чувствуваш емоционално исцрпено и анксиозно.
- Ако си се чувствувала способно и си имала позитивно мислење за себе, тоа би можело да се смени во чувство на несигурност и немоќ.
- Ако порано си се држела до своите уверувања, сега би можела да ја губиш самоувереноста и вербата во сопствените избори.
- Ако си имала некои несигурности, тие само ќе се засилат бидејќи некој ги користи против тебе.
Знаците на психолошко злоупотребување мора навреме да се детектираат и да се побара помош, бидејќи последиците се многу полоши отколку што се чинат: депресија, анксиозност, недостаток или ниска самодоверба и траума.
Може да се развие и пореметување во кое личноста развива чувство на напнатост и алармантност секогаш кога ќе го почувствува партнерот во близина.
Пред да дојде до тоа – препознајте и реагирајте! Не дозволувајте стравот да управува со вас, бидејќи со секој изминат ден се повеќе и повеќе ќе ја губите контролата над сопствениот живот.
