Лицата инфицирани со позаразната варијанта на коронавирус, која прв пат е откриена во Велика Британија, имаат поголем ризик од хоспитализација или лекување во болнички услови, покажала најнова данска студија на Институтот Серум.
Од 2155 лица заразени со новата варијанта на коронавирусот В117, хоспитализирани биле 128, што е 64 проценти повеќе од лицата кои се заразени со останатите варијанти, се наведува во студијата.
Резултатот од данската студија е сличен со истражувањето спроведено на почетокот на овој месец во Британија, велат експертие од Институтот во нивното соопштение.
Варијантата В117 мината недела во Данска стана доминантна и е присутна кај речиси две третини од сите нови инфекции, додека на почетокот на годинава, британската варијанта чинеше само пет проценти од сите случаи на инфекции.
