Според најновото истражување на научниците од Шпанија, лицата кои редовно јадат бел леб имаат поголем ризик од дебелеење во однос на оние кои консумираат леб од интегрални жита. Во истражувањето учествувале 9 200 испитаници, а научниците го следеле нивното здравје, прехрамбени навики и телесна тежина во период од пет години. Резултатите од набљудувањето покажале дека учесниците кои секојдневно внесуваат бел леб имаат за 40 % поголем ризик од дебелеење во однос на оние кои белиот леб го јадат ретко или не го јадат воопшто.
Научниците не нашле никаква поврзаност меѓу консумирањето црн леб или леб од интегрални жита со дебелината.
Помеѓу белиот и црниот леб постои значајна разлика во количината на влакна, бројот на калории и видот на јаглехидрати. Само две порции бел леб дневно се поврзуваат со зголемениот ризик од дебелина, нагласуваат лекарите.
