Славните светски дерматолози откриваат што никогаш не би користеле на себе. Веруваме дека ќе се изненадите! Серуми, маски, препарати кои ветуваат чуда преку ноќ… примамливи се особени за припадничките на понежниот пол, но добро е да се знае дека експериментирањето може да има непријатни последици, како на пример, тотално дехидрирана кожа.
Креми со колаген
Искрено верувам дека молекулите на колагенот се преголеми за да се користат во креми. Како активна состојка колагенот не може да навлезе во кожата, па на крајот добивате обична крема за многу пари, вели д-р С. Манџула Џегасоти од „Мајами скин“ институтот.
Препарати со дополнителни мириси
„Ова нема да го најдете на декларацијата каде се означени само како мирис (fragrance), но дополнителните мириси можат да предизвикаат иритација на кожата и да имаат лоши последици заради адитивите кои ги содржат, на пример, фталат. Затоа одбегнувам таква козметика и ја бирам онаа со природни етерични масла и растителни екстракти, затоа што не само што е посигурно, туку има и благотворно влијание на кожата“, вели д-р Хелен М. Торок, дерматолог во центарот „Trillium Creek“.
Креми за депилација
„Ако не сте професионалец, подобро немојте да ги користите овие формули на лицето. Може да дојде до контактен дерматитис и дури и до изгореници. Би препорачала отстранување на влакненцата со ласер или едноставно кубење со пинцета“, советува д-р Џерцејз Герстнер, дерматолог од Њујорк.
