Несоница, намалена концентрација, чувство на непријатност и хиперактивност – се само некои од последиците на прекумерната употреба на компјутерите и телефоните во вечерните часови. Здравствените центри ширум светот кои се бават со лекување на овие пореметувања предупредуваат дека дури 40 отсто од луѓето кои имаат проблем со заспивањето, а за тоа можат да ја обвинат прекумерната употреба на електронските уреди во вечерните часови.
Зачестеноста на дигиталната несоница, како што се нарекува овој синдром, повеќекратно се зголемила во последните три години. Пореметувањето најчесто се среќава кај личности на возраст меѓу 20 и 40 години кои до доцна во ноќта играат видеоигри, читаат книги на електронски читач, водат виртуелни разговори на својот паметен телефон, сурфаат…
Пинеалната жлезда или епифизата, сместена во мозокот, лачи хормон одговорен за регулацијата на спиењето т.н. мелатонин. Тој се лачи во мрак, додека на дневна светлина е блокиран. Лед светлината која ја емитуваат екраните како лаптопи, таблети и паметни телефони го залажува мозокот испраќајќи информација дека се уште е ден. Како резултат на ова епифизата го блокира лачењето мелатонин, што предизвикува пореметување на биолошкиот часовник, кој го регулира ритамот на спиењето и будноста. Во почетокот последиците се огледуваат во намалувањето на квалитетот на сон, а подоцна ваквата состојба како домино ефект се одразува и на дневното функционирање. Се јавуваат поспаност, замаеност, раздразливост, пореметување на концентрацијата… Истражувањето спроведено од страна на „Центарот за истражување светлина“ при Политехничкиот институт во Њујорк („Lighting Research Center of Polytechnic Institute New York“), покажало дека неколку часа покрај таблет во вечените часови го намалуваат лачењето мелатонин за 22 отсто.
Затоа, советуваат стручњаците, два часа пред спиење одбегнувајте да користите компјутери, лап топи, паметни телефони, таблети и други електронски уреди затоа што толку му е потребно на мозокот да се ослободи од влијанието на лед светлината и да се врати во нормална состојба. И најважно – веднаш исфрлете ги сите уреди од спалната.
