Важно е да се напомене дека во одредени ситуации овие домашни лекови нема да бидат доволни и дека е потребно на време да се препознае кога настинката или благата вироза ќе премине во нешто посериозно и во таа насока да се побара лекарска помош. Исто така, ако веќе земате одредена терапија, од здрвстени причини, немојте на своја рака да експериментирате со разни билни препарати и суплементи без претходна консултација со вашиот матичен лекар.
Во продолжение ви донесуваме рецепт за брз и едноставен тоник за јакнење на имунитетот, по препорака на нутриционистот Андреа Биланџија.
СОСТОЈКИ:
- 1 шолја топла, односно жешка вода (не зовриена)
- Исечкан и излупен свеж ѓумбир (1-1,5цм)
- Сок од половина лимон
- ½ лажичка црн пипер
- ½ лажичка цимет
- ½ лажичка каранфилче
- ½ лажичка куркума
- 1 лажичка мед
Сите состојки измешајте ги, оставете водата да отстои 4-5 минути, а потоа процедете и пијте го тоникот во текот на денот.
