Кралскиот статус меѓу маслата традиционално го има маслиновото, но зад него воопшто не заостанува ниту маслото од тиква – супер хранливо, лековито, ароматично и антистресно!
Се добива од семките од тиквата Cucurbita pepo, која изобилува со минерали, витамини, протеини и незаситени масни киселини.
Најквалитетното масло од тиква се прави со постапката на ладно цедење, со кое се зачувува целата хранлива вредност на оваа супер намирница. Најдобро е да се консумира во природен облик, без термичка обработка за да ги зачувате сите хранливи материи.
- Богато е со олеинска киселина која го намалува „лошиот“ ЛДЛ холестерол и штити од срцеви болести.
- Скапоцен извор е на витамини Д, Е и К, како и магнезиум, железо, манган, бакар, цинк и селен. Бакарот и манганот се важни за отпорноста на организмот на стрес.
- Маслото од тиква е природен антидепресив затоа што изобилува со глутаминска киселина која учествува во создавањето на серотонин, таканаречен хормон на среќа.
- Познато е по својот противвоспалителен и диуретски ефект.
- Ја поттикнува работата на бубрезите, ги ублажува воспалителните процеси на уринарниот систем и ги олеснува тегобите со простата.
- Го подобрува варењето, ги чисти цревата од паразити и помага кај колитис и синдром на иритабилно црево.
- Може да се користи и за масажа затоа што ја храни и негува кожата, а погодно е и за нега на коренот на косата.
- Мошне се цени во кулинарството затоа што има богата арома која ги облагородува солените и слатките јадења. Најчесто се додава во салати, а одлично е и во сосови, варива, јадења со зеленчук и месо, но и колачи.
