Фруктаните го прават истиот проблем како и глутенот!

Се смета дека околу 13 отсто од луѓето колку што чувствуваат надуеност после консумирањето леб и тестенини, се чувствителни на глутен. Меѓутоа, само кај еден отсто од популацијата има дијагностицирана целијакија

Резултатите од новата студија покажале дека личностите кои сметаат дека се чувствителни на глутен би можеле да бидат чувствителни на фруктаните кои, исто така, се наоѓаат во пченицата. Меѓутоа научници од Осло и Монаш универзитетот во Австралија објавиле труд според кој виновник за нивните симптоми всушност е фруктанот од пченицата. Овие молекули на фруктоза се наоѓаат во уште некои намирници како оризот, јачменот и артичоката.

Истражувањето опфатило 59 личности кои немаат целијакија, но кои чувствуваат непријатност после внесот на намирници кои природно содржат глутен. Добиле задача да јадат посебни стапчиња. Еден дел од нив содржел глутен, други фруктани, а трети ниту фруктани ниту глутен.

Испитаниците биле поделени во три групи и секоја личност јадела по едно стапче секојдневно во текот на седум дена, а потоа паузирала по една недела пред да се повтори експериментот, само со друг вид стапче. Резултатите покажале дека стапчињата со фруктани предизвикале надуеност за 15 отсто повеќе во однос на контролната група и симптоми на гастроинтестинални тегоби за 13 отсто повеќе. Глутенските стапчиња кај испитаниците не предизвикале разлика во однос на контролната група. Од наведеното може да се заклучи дека глутенот како главен виновник за надуеноста и дигестивните тегоби би можел да ја подели „обвинителната клупа“ со фруктаните.