Јајцата се одличен избор за хранлив и здрав оброк во кој било дел од денот, особено за појадок. Содржат околу седум грама протеини и ако не ги подготвувате на многу маснотии, можат да бидат и тоа како здрави. Со менување на маснотиите на кои ги пржите јајцата, оброкот можете да го направите уште поздрав, но, исто така, и повкусен.
Сончогледовото масло заменете го со маслиново, и на тој начин, покрај есенцијалните антиоксиданти, кои се борат против слободните радикали во организмот, ќе добиете и многу вкусен оброк
Истражувањата покажаа дека подготовката на намирниците на растително масло не е најдобар избор за здравјето, бидејќи „обичните“ растителни масла со загревање ослободуваат штетни состојки, алдехиди. Иако и маслиновото масло е растително, со загревање на ова масло, сепак, се ослободуваат помалку алдехиди.
Истовремено, брзо се загрева, што придонесува јајцата побрзо да се испржат, а да го задржат вкусот во целост.
