Болеста долго е без видливи знаци и симптоми. Нелекувањето доведува до напредна фаза на болеста кога е потребна ампутација. Често е поврзана со кардиоваскуларните болести, болести на каротидните и мозочни артерии, како и со срцев и мозочен удар.
Околу 70% од случаите може да се поврзат со ризик фактори, како што се возраста, зголемениот артериски притисок, зголемен холестерол болест во семејството.
Треба да се има предвид дека пушењето е водечки ризик фактор бидејќи значајно влијае на создавањето на наслаги во артериите, односно го поттикнува процесот на атеросклероза, која е водечка причина за срцев удар, мозочен удар и критична исхемија на ногата со последична ампутација.
СИМПТОМИ
- Болни грчеви во мускулите на задникот и ногата
- Студенило на ногата
- Бледило на кожата на ногата
- Рани на потколеницата и на стапалата кои не зараснуваат
- Гангрена или појава на мртво ткиво
РИЗИК ФАКТОРИ
- Високи вредности на холестерол во крвта
- Пушење
- Зголемен артериски притисок
- Дебелина
- ДИјабетес
- Возраст
