Колагенот е најзастапен протеин во нашето тело, којшто се наоѓа во коските, крвните садови, тетивите, мускулите, кожата и дигестивниот систем. Овој протеин, заедно со кератинот, ги надоместува мртвите клетки на кожата и ја одржува цврста и еластична.
Постојат 19 видови на протеини, од кои четири се најважни. Означени се со римски броеви и секој од нив има единствена улога. Така, тип IV колаген се наоѓа во мембраните, тип III во ембрионалното ткиво, тип II во ‘рскавицата и тип I во коските.
Со текот на годините производството на колагенот во организмот почнува да слабее, а поради недостатокот на колаген се појавуваат првите знаци на стареење, како што се болки во зглобовите, брчки и обесена кожа.
На забавеното производство влијае прекумерното изложување на сонце, исхраната богата со шеќери и пушењето, а болестите, кои се врзуваат со недостатокот на овој протеин најчесто се случуваат поради дигестивни проблеми кои влијаат на производството на колаген, комбинација на генетски оштетувања и низок внес на храна која содржи протеини.
Колагенот е потребен за здравјето на забите, ноктите и косата, за синдромот на пропустливо црево, за кардиоваскуларниот систем, за виталност и мускули, за здравје на коските и зглобовите, кожата и црниот дроб, и за метаболизмот.
Колаген во храната
Правилната исхрана и физичка активност можат да ја намалат загубата на колаген, затоа е добро да се знае во кои намирници може да се пронајде.
Постојат неколку природни начини кои се ефикасни во зголемување на протеините во телото, а еден од нив е исхраната. Со намирниците кои се извори на протеини во храната се поврзува и нивото на колаген, како што е пилешкото месо, морските плодови, говедското месо, рибата и јајцата.
Храна со која може да го зголемите нивото на колаген во организмот:
- темнозелен зеленчук;
- црвено овошје и зеленчук;
- омега масни киселини;
- мисиркино месо;
- масло од авокадо;
- производи од соја;
- мешунки;
- боровинки и суви сливи;
- храна богата со сулфур;
- темно чоколадо;
- бел чај.
Многу фактори го поттикнуваат и поддржуваат производството на колаген во телото, а во некои од нив спаѓаат и манган, бакар, храна со жолта боја, витамин Ц, пролин и храна богата со антоцијани. Обрнете посебно внимание на нивниот внес во телото.
Храна која го поттикнува производството на колаген:
- магнезиум: спанаќ, бадеми, авокадо;
- железо: вишни, тофу, цели житарки;
- аминокиселини: јагнешко месо, свинско месо, шкампи, свежо сирење;
- цинк: јагнешко, школки, леќа и јајца.
