ИДЕЈА ЗА ПОЈАДОК: Мафини од банана

Идеален избор за појадок- овие вкусни мафини од банана немаат додаден шеќер и се идеална закуска во секое време од денот

Потребно е: 6 лажици кокосово масло, 6 лажици јаворов сируп (или мед), 2 јајца, 2 банани (испасирани со виљушка) , ¼ чаша бадемово млеко, 1 лажичка прашок за печиво, 1 лажичка екстракт од ванила, пола лажичка сол, пола лажичка цимет, 1 ¾ чаша интегрално брашно, 1/3 чаша овесни снегулки.

Начин на подготовка: Загрејте ја рерната на 170 степени. Калапите за мафини намачкајте ги со малку кокосово масло. Во сад измешајте ги јаворовиот сируп и кокосовото масло, па додадете ги јајцата. Потоа додадете ги бананите, бадемовото млеко, прашокот за печиво, екстрактот од ванила, солта и циметот. Добро измешајте. Распоредете ја смесата во калапите за мафини и одозгора посипете малку овесни снегулки и цимет. Печете околу 20-25 мин.