Јадете костени: Зошто е важно да ги јадеме овие моќни плодови?!

Костените немаат само неодолив вкус и мирис, туку се и полни со здравје

Ја прочистуваат крвта, го зајакнуваат имунитетот, даваат енергија бидејќи се преполни со јаглехидрати, белковини, шеќери, масти и целулоза… Костените дефинитивно се моќните плодови и природен извор на енергија и здравје, посебно во студените зимски денови. Богати се и со витамин Ц, што е еднакво концентриран колку и во лимоните, а тоа ги прави одличен избор за закрепнување на имунитетот. Во себе содржат ниско ниво на калории и масти, а се богати со минерали, витамини и фитонутриенти (чудотворен антиоксидант). Калциумот и фосфорот во костените помагаат при закрепнувањето на нервниот систем, ги зајакнуваат коските и ја подобруваат работата на срцето. А содржат и високо ниво на протеини, големо количество на манган и калиум.

Во 100 г печени костени има околу 245 калории, па затоа и се сметаат за плодови со висока енергетска вредност. Интересно е тоа што калориската вредност се удвојува со термичката обработка на костените, а се зголемува и количината на белковините и јаглехидратите. Со оглед на тоа дека не содржат глутен им се препорачуваат на луѓето кои боледуваат од целијачна болест (нетолеранција на глутен).

Одличен извор се и на прехранбени влакна, кои придонесуваат за намалување на нивото на лошиот холестерол во крвта, а воедно и ја поттикнуваат работата на цревата. 80 г костени дневно, задоволуваат една петина од потребата за бакар, минерал кој ги зацврстува коските, помага во производството на црвени крвни зрнца, го подобрува работењето на нервите и го засилува имунитетот.