Костени – плодови на есента полни со здравје

Искористете ја сезоната и уживајте во плодовите на есента кои се полни со здравје. 


Костените не дебелат и содржат витамини кои одлично влијаат врз организмот. Одлични се во борбата против анемијата – содржат многу железо, па во комбинација со овошјето помагаат при лекување на анемијата и отстранувањето на заморот. Брзо заситуваат – заради високо ниво на растителни влакна и сложени јагленихидрати. Ги стимулираат функциите на нервниот систембогати се со минерали и витамини од Б групата, па го подобруваат здравјето на нервниот системи спречуваат невролошки промени и болести. Корисни се за дијабетичарите – заради бавната апсорпција на јаглените хидрати и бавното подигнување на инсулинот во крвта корисни се во исхраната кај дијабетичарите. Против хипертензија – заради нисокото ниво на натриум, а висок калиум, одлични се за личностите кои боледуваат од зголемен крвен притисок, а нивното диуретичко дејство ги прави погодни и за личностите кај кои се задржува вода во организмот. Исто така, ги чуваат цревата и имунолошкиот систем – богатството од растителни влакна овозможува добра работа на цревата, добра состојба на бактериската флора и спречува појава на опстипација.


Како да се приготват?!

Еве една идеја – Костени од рерна

Потребно: Свежи костени (количеството зависи од вашите желби)

Приготвување: Костените убаво измијте ги и засечете ги со ноже по ширината додека лушпата не се отвори. Ставете ги во лонец, прелијте ги со вода и варете ги додека водата не зоврие. Некаде околу 20 минути. После тоа извадете ги од водата, исцедете ги, ставете ги во тепсија (тава) и печете ги во претходно загреана рерна на околу 220 степени. Кога костените ќе бидат печени, покријте ги со крпа и оставете ги уште пет минути да отстојат за лушпата малку да омекне и полесно да се лупи.

На здравје!