Вкусни, мирисливи, но и здрави и богати со витамини. Кајсиите се еден од најбогатите природни извори на витамини А, Ц, Б комплекс, калиум и бета каротен. Тие му помагаат на телото во одбраната од бактериските инфекции, го обновуваат оштетеното ткиво, помагаат во развој на силни заби и коски и го подобруваат видот.
Кинезите ги користат кајсиите како лек и како овошје за долговечност, а мирисот од нивниот цвет служи за правење на парфеми.
Хранливите материи од кајсиите ги штитат срцето и очите, а растителните влакна штитат од болести. На здравјето на срцето исклучително поволен ефект има високата содржина на бета-каротен и ликопен, кои го штитат ЛДЛ холестеролот од оксидација
Витаминот А, кој е моќен антиоксидант, ги штити клетките и ткивата од оштетувањето што го предизвикуваат слободните радикали, а, исто така, влијае и на подобар вид.
Дегенеративниот ефект на слободните радикали или оксидативен стрес може да доведе до развој на катаракта или послабо снабдување на окото со крв што предизвикува макуларна дегенерација. Внесувањето на витамин А за 40 % ја намалува веројатноста за појава на катаракта.
Кајсиите се добар извор на растителни влакна, кои позитивно влијаат на дигестивниот тракт, па се добра превенција против запек или појава на болест како што е дивертикулоза
Благодарение на целулозата и пектинот служат како благ лаксатив, а со благо алкалната реакција поволно влијаат на варењето доколку се јадат пред секој оброк.
Кајсиите се препорачуваат на анемични лица поради нивната висока содржина на железо. Свежиот сок од кајсии се користи како лек за треска и кожни заболувања, разладува и ја забрзува на елиминацијата на отпадните материи од варењето. Поволно делува врз кожата и треба да се јаде доколку страдате од егзема или изгореници.
Богати се со витамин Б 17 – амигдалин, кој помага во борба против ракот, бидејќи ги уништува клетките на ракот и помага да се спречи неговата појава. Амигдалинот ги напаѓа клетките на ракот така што го уништува ензимот на канцерогените клетки, кој е различен од истиот ензим во нормалните клетки.
