Слатката храна е вкусна, но шеќерот, особено во големи количини, е навистина лош за здравјето. Сите одвреме навреме сакаат да каснат по нешто слатко, од најмладите до најстарите. Сепак, многу е важно да се внимава на количините, бидејќи премногу шеќер е опасен за целиот организам.
Но, како да знаете колку е премногу? Постојат некои предупредувачки знаци кои ни ги испраќа телото и кои значат дека е време да се намали количината на слатки во исхраната.
Континуирана потреба за слатки
Колку повеќе шеќер јадеме, толку желбата станува посилна, и практично нè доведува до состојба на зависност. Конзумирањето на храна со големи количини шеќер предизвикува хормонален одговор во организмот како бран. Таквата храна не подига, а потоа одеднаш не пушта, развивајќи ја потребата за консумирање шеќер одново и одново.
Чувство на тромост во текот на денот
Енергијата е најстабилна кога е стабилно нивото на шеќер во крвта. Кога се консумира премногу шеќер, варијациите на нивото на шеќерот предизвикува ист такви варијации и на енергијата
Проблеми со кожата
Некои луѓе се чувствителни на растот на инсулинот предизвикан од прекумерното внесување на шеќер, што може да доведе до појава на повеќе кожни состојби како акни или розацеа.
Промени во расположението
Падот на шеќерот во крвта може да предизвика промени во расположението и да ве направи нерасположени и намќорести, иако немате вистинска причина за тоа.
Дебелина
Кога јадеме шеќер, панкреасот ослободува инсулин кој го пренесува шеќерот во нашите органи за да може да се користи како енергија. Кога ќе се прејадете слатки, телото произведува повеќе инсулин, но со време, оваа хиперпродукција може да доведе до резистенција на инсулин, што значи дека телото не може правилно да одговори на нормалните количини на инсулин и не може правилно да го користи шеќерот. Резистенцијата на инсулин е директно поврзана со дебелеењето
Проблеми со забите
Плунката одржува здрава рамнотежа на бактерии во устата, но внесувањето на шеќер може да влијае на нивото на рН и да го наруши природниот екосистем. Ова им дава шанса на бактериите да се размножуваат, што води кон проблеми со забите.
Ништо веќе не е толку слатко
Прекумерното внесување на шеќер всушност ги бомбардира папилите за вкус, па ви треба сѐ повеќе шеќер да ја задоволите сѐ поголемата потреба
