Со текот на годините, особено кај мажите, нормална е појавата на повеќе влакна во носот. Чупањето на овие влакненца или нивно отстранување со восок, стручњаците велат дека не е безбедна метода и може сериозно да го наруши здравјето.
На лицето се наоѓа она што стручњаците го нарекуваат „триаголник на смртта„, место кое треба да се третира со внимание.
Оваа област е чувствителна на инфекции, особено кога се кубат влакненцата од носот. Но, постои уште нешто поопасно. Во носот постои широк спектар на влакна. Тие се нарекуваат јазлести влакна. Сите тие влакна се наоѓаат во шуплината за да го штитат носот од бактерии. Кога тие ќе се искорнат, оставаат отворен пат за бактерии и други микроби, кои понатаму продолжуваат кон мозокот, создавајќи уште поголема опасност.
Вените кои ја изнесуват крвта од носот се поместуваат наназад и се поврзуваат со вените во мозокот, што може да биде катастрофално. Со отстранување на овие влакна се зголемува ризикот за развој на менингит или со други зборови смртоносни мозочни инфекции.
Од тие причини, лекарите советуваат дека најбезбеден начин е користењето на електричен тример или чисти ножички со заоблен врв. Она што е особено важно, пред да се отстранат влакненцата е тој дел убаво да се исчисти за да намали шансата за инфекција. Треба да се отстранат само оние влакна кои излегуваат од носот, но никако до коренот.
