Она што особено треба да се внимава при користењето на кое било масло е тоа дали е најдобро да се изложува на високи температури или, пак, да се консумира сурово. Одредни масла, како лененото масло не смее да го користат лица кои имаат проблеми со простатата, желудникот и со макуларна дегенерација на очите затоа што дополнително ја иритира чувствителната слузокожа.
Масло од семки од грозје
Има неутрален мирис и се користи за подготовка на разни јадења и салата. Богато е со витамин Е и омега-6 масни киселини, па благотворно делува на целиот организам, а особено на цереброваскуларниот систем. Ги зајакнува крвните садови и ја намалува можноста од згрутчувања во крвните садови кои предизвикуваат срцев или мозочен удар.
Масло од ленено семе
Поради високиот процент на есенцијални масни киселини, кои на висока температура стануваат штетни, ова масло се користи исклучиво за подготовка на салати. Содржи 40-60 % омега-3 масни киселини, но и супстанци кои спречуваат појава на карцином. Спречува и појава на згрутчувања во крвните садови, го намалува нивото на холестерол, а најновите истражувања потврдуваат дека превентивно делува и во борбата против рак на дојките. Лененото семе треба да го избегнуваат лицата што имаат проблеми со простатата, желудникот и со макуларна дегенерација на очите затоа што дополнително ја иритира чувствителната слузокожа. Не се препорачува и на лицата кои пијат аспирин, бидејќи го поништува дејствието на лекот. Купувајте го во мали колични, бидејќи има рок само четири месеци од денот на производство.
Палмино масло
Има неутрален мирис и вкус и убава светложолта боја. Идеално е за термичка обработка на продукти, а особено за пржење во фритеза. Ладното палмино масло се стврднува, па сите остатоци од пржењето остануваат на дното од тенџерето. Кога искористеното масло ќе го извадите од фритезата, долниот слој отсечете го и остатокот искористете го за пржење на други производи.
Сончогледово масло
Поради неговиот сладок вкус, е меѓу најкористенте масла. Богато е со незаститени масни киселина, како и витамин Ф, кој позитивно влијае на нашето здравје. Меѓутоа, еднаш употребено, сончогледовото масло мора да се фрли. Доколку се користи повеќе пати, станува штетно за организмот.
(продолжува)
