Кои намирници се јадат на празен желудник?

Појадокот е најважниот оброк во текот на денот и не треба никако да се прескокнува

Почнете го денот со овесна каша

Познато е дека појадокот е најважниот оброк во текот на денот и дека не треба никако да се прескокнува. Со појадокот ги внесуваме првите калории во нашиот организам, кои треба да содржат што повеќе хранливи материи.

Како да го постигнеме тоа? Најдобар начин е да се погрижите вашиот оброк да биде направен од здрави и квалитетни состојки. Притоа треба да знаете кои намирници можат да се јадат на празен желудник, а кои не.

Јајца

Јадете јајца за појадок! Тие се богати со протеини и други хранливи материи кои ќе му обезбедат доволно енергија на вашиот метаболизам. Покрај тоа, јајцата помагаат во намалување на дневниот внес на калории и се одличен почеток за денот.

Јајцата помагаат и во намалување на дневниот внес на калории

Овесна каша

Ако сакате да го започнете денот со топол оброк за кој вашите црева ќе ви бидат благодарни, овесната каша е најдобриот избор. Богата е со влакна кои помагаат против висок холестерол и шеќер во крвта. Овој оброк често им се препорачува на дијабетичарите.

Боровинки

Делуваат позитивно врз крвниот притисок и меморијата. Содржат антиоксиданти кои се корисни за варењето и против воспаленија.

Каша од пченкарно брашно

Доколку имате дигестивни проблеми, овој оброк е идеален за вас. Поради своите пробиотски својства пченкарната каша помага за здрава цревна флора и е идеална за детоксикација на организмот.

Медот е фантастичен извор на енергија. Го стимулира лачењето на серотонин, хормон кој помага да се стабилизира вашето расположение. Бидејќи е богат со антиоксиданти, обезбедува поголема заштита од штетните воспаленија

Хељда

На лицата кои страдаат од анемија им се препорачува да јадат оброци со хељда, бидејќи содржи многу минерали и протеини кои помагаат во борбата против недостаток на железо. Покрај тоа, хељдата е житарка која не содржи глутен.

Јаткасти плодови

Луѓето кои се борат со зголемена секреција на желудочната киселина, претпочитаат храна која им помага при несоодветна pH-вредност на желудникот. Јаткастите плодови се добар избор во овие случаи, особено оревите, кои содржат омега-3 масни киселини и високо ниво на антиоксиданти.