Ракот на јајчници денес е водечка причина за смрт меѓу сите гинеколошки малигноми, а она што е особено застрашувачко е дека симптоми во рана фаза на болеста речиси и да нема. Поради тоа, дијагнозата често се поставува доцна, дури во трета или во четврта фаза. Тоа, објаснува д-р Нимеш Нагаршет е поврзано со количината на простор во абдоменот и карлицата. Имено, кога има доволно место, туморите и кога растат и кога ги поместуваат органите, не мора да имаат многу изразени симптоми како последица – тие често се замаскирани.
А и да има рани симптоми, тие се сосема вообичаени и многу здрави жени знаат да ги искусат на дневна основа.
Пациентките ги споделиле своите први симптоми: ако не мине ден без да се искусиле еден од нив – а тоа трае подолго од еден месец, треба да појдете на гинеколошки преглед.
КРВАРЕЊЕ
Прв симптом е токму оној кој никако не треба да се сфати лаички и да се игнорира. Можно е да се работи само за пореметување во циклусот, но ако се повторува, отидете на лекат.
НАДУЕНСОТ
Симптом кој го имаат многумина, и мажи и жени, знае да биде збунувачки за пациентите. Но, не станува збор за вообичаен и минлив проблем со храната, туку за многу изразено, и што е поважно, трајно чувство. Обрнете внимание на невообичаено тврд стомак во долниот дел – тоа би можело да е биде клучен симптом дека не станува збор за нешто што само сте го изеле.
ГРЧЕВИ
Овој симптом исто така е многу лесно да се игнорира, со оглед дека многу жени претходно ја минувале оваа состојба и едноставно забораваат да го воочат. Но, доколку болките се повторуваат и во денови кога немате овулација или менструален циклус, и тоа често, закажете гинеколошки преглед.
ПРОБЛЕМИ СО ВАРЕЊЕТО
Жиговина, запек и чест пролив, исто така може да бидат индикатори за проблемот. Најчесто е тоа веќе споменатото чувство на надуеност во комбинација со запек.
ПОСТОЈАНА ПОТРЕБА ЗА ВО ТОАЛЕТ
Кога туморот ќе почне да го притисика мочниот меур, се појавува симптом на константна потреба за уринирање. Оние кои веќе имаат проблеми со слаба бешика ќе го игнорираат, но ако не сте го зголемиле внесот на течности во текот на денот, консултирајте се со лекар.
