Голем дел од луѓето не знаат дека консумирањето одредени видови храна по земањето лекови може да биде многу непријатно искуство. Одредени намирници и одредени лекови не смеат никако да се мешаат, еве дел од нив.
Со антибиотици не пијте млеко
Антибиотиците е подобро да се испијат со вода, отколку со млеко. Калциумот од млекото и кинолонот кој го содржат антибиотиците создаваат меѓусебен однос. Млекото го спречува варењето на антибиотиците во желудникот, што во голема мера го забавува доаѓањето на антибиотиците во заболениот дел од телото. Затоа никако не пијте млеко и антибиотици заедно барем во рок од еден час.
Не мешајте сирење со антидепресиви
Ако пиете лекови од семејството на МАО инхибитори, избегнувајте сирење. Лековите од ова семејство го спречуваат разградувањето на тираминот, а ако се акумулира голема количина на тирамин, тоа може да доведе до несакани ефекти како што се потење, лупање на срце и покачен артериски притисок.
Алкохолот и лековите се лоша комбинација
Алкохолот го зголемува дејството на антидепресивите, невролептиците и лековите за смирување. Антибиотиците со алкохол предизвикуваат мачнина, а истото се случува и со лекови со кои се третираат габичните инфекции.
Антикоагуланти и зелка не одат заедно
Витаминот К има спротивен ефект од антикоагулантите (лекови за згрутчување на крвта), па постои голема можност за згрутчување на крвта што може да предизвика инфаркт. За време на лекувањето на згрутчување на крвта треба да се избегнува не само зелка, туку и друга храна што содржи витамин К, како што се внатрешни органи, спанаќ, авокадо.
Спирала и аспирин? Никако!
Кога се вградува спирала, таа во матката предизвикува воспаление на ѕидот, што инаку го спречува вгнездувањето на оплодената јајце-клетка. Токму затоа треба да одбегнувате да употребувате аспирин или кое било друго антивоспалително средство. Противвоспалителните средства можат да го спречат контрацептивниот ефект на спиралата. Ова се уште не е докрај докажано, но многу гинеколози се согласуваат со тоа. За болка подобро употребувајте парацетамол.
Избегнувајте грејпфрут со лекови
Грејпфрут и сок од грејпфрут може да предизвикаат да се зголеми нивото во крвотокот на лекови за намалување на крвниот притисок, антидепресиви, лекови за канцер, за срце, антибиотици… Канадските експерти од Универзитетот Онтарио предупредуваат дека грејпфрутот во комбинација со 43 врсти на лекови, може да предизвика труење, па дури и смрт. Ова овошје содржи хемикалии кои ги спречуваат ензимите да разградуваат одделни хемикалии во цревата, поради што ефектот на лекот, може повеќекратно да се зголеми и да му наштети на организмот. Последиците од консумирање грејпфрут во комбинација со овие лекови, вклучуваат внатрешно крвавење, промена на срцевиот ритам, оштетување на бубрезите и ненадејна смрт. Една таблета со чаша сок од грејпфрут, може да биде еднаква на доза од десет таблети со чаша вода. Затоа внимателно!
