Јагодите и црешите се омилено овошје и на децата и на возрасните, но стручњаците тврдат дека ова овошје не смее да се јаде во неограничени количества, зашто може да го загрози здравјето. Корисни се за имунитетот затоа што содржат голем број витамини. Но многу луѓе не се сигурни кое количество е всушност дозволено да се консумира на дневно ниво. Јагодите содржат 60 грама витамин Ц и биоактивни супстанци полифеноли кои се силни антиоксиданти. Им се препорачуваат на децата и возрасните кои патат од анемија, а содржат и фолна киселина, витамин Е, провитамин А, витамини од Б групата, како и минерали – манган, железо, калциум и магнезиум.
Кога е во прашање количеството, треба да се обрне внимание особено кога се работи за помалите деца кои можат да имаат алергија на ова овошје. Не се препорачливи ниту за луѓето кои имаат проблем со вишокот телесна тежина или високо ниво на холестерол и триглицериди во крвта. Дури и ако немате здравствени проблеми, потребно е да се посвети внимание на тоа колку од ова овошје во организмот ќе се внесе на дневно ниво. Лекарите препорачуваат да ги консумирате само онолку колку што може да ви собере во дланката, без додаток на шеќер и само два-три пати неделно меѓу 17 и 19 часот.
Слично е и со црешите. Содржат многу витамин Ц и бета-каротен, витамини Б6 и К, фолна киселина, минерали – калиум, железо, манган, калциум, магнеизум, фосфор, цинк и кобалт.
Црешите се богати со растителни влакна, а тоа помага за подобро варење, додека присуството на целулоза го регулира варењето. Поздрави се потемните плодови затоа што имаат поголема концентрација на антоцијани и имаат поголемо антианемиско дејство. Содржат мелатонин кој помага при опуштањето. Пред да ги консумирате потребно е добро да ги измиете под млаз ладна вода. Како идеална доза цреши, на дневно ниво, се наведува една чаша. Поголеми количества би можеле да предизвикаат проблеми со варењето.
