Две неодамнешни студии покажале дека одделни зачини, меѓу кои и коријандерот, можат да помогнат во спречувањето за создавање канцерогени материи при приготвувањето месо на високи температури.
Печеното, пржено или месо на скара, со потемнети „добро печени“ делови, содржи поголемо количество хетероциклични амини, а честото консумирање на ваквата храна се поврзува со поголем ризик од рак. Освен коријандерот, и со додавање на куркума и ким во месото пред пржење или печење, во одредена мерка може да се спречи создавање на овие канцерогени соединенија.
