За благотворните ефекти врз здравјето од редовното консумирање куркума е зборувано и пишувано многу, но дали знаете дека таа влијае и на менталното здравје?!
Досегашните истражувања укажале на поволните ефекти на куркуминот – биоактивно соединение од куркумата, врз ублажувањето на симптомите на анксиозност и депресија. Имено, куркуминот ги зголемува нивоата на серотонин и допамин, и неговата делотворност може да се мери со делотворноста на одделни антидепресиви. Дозата од 1000 мг кукркумин дневно би требало после 6 недели да ги покаже своите позитивни ефекти.
Освен низ додатоците во исхраната со куркумин и користењето на куркумата како зачин при готвењето можете да направите и освежителен напиток со куркума и ѓумбир кој ќе придонесе за тоа севкупно подобро да се чувствувате.
Како да го приготвите?! Во блендер измешајте 2 чаши вода, 1 лажичка куркума во прав (или 2 лажици свежа, рендана куркума), лажица рендан свеж ѓумбир, 1 јаболко, сок од 1 лимон, малку црн бибер и цимер и лажица мед. Добиеното количество е за две лица.
