Медитацијата и јогата не само што опуштаат, туку може да ги променат непосакуваните молекуларни реакции во нашата ДНК кои предизвикуваат болести и депресија, утврдува новото истражување.
Истражувачите од Универзитетот Ковентри преиспитале 18 истражувања кои опфатиле 864 испитаници во текот на 11 години и откриле образец на молекуларни промени кои се случуваат во организмот кај оние кои практикуваат јога и медитација, а, исто така, и како тие промени придонесуваат на менталното и физичкото здравје.
Кога некое лице изложено на стрес, се покренува нервниот систем што го зголемува производството на молекулите (НФ-Кб), кои ја регулираат експресијата. Лицето го покажува стресот активирајќи ги гените да произведат протеини цитокини, кои предизвикуваат воспаление на клеточно ниво: таа реакција е корисна во краткотрајни ситуации, но ако потрае доведува до зголемен ризик од карцином, забрзано стареење и психијатриски пореметувања, како што е депресијата. Меѓутоа како што покажало ова истражување, лицата кои практикуваат јога и медитација постигнуваат спротивен ефект. Намалувањето на производството на молекулот НФ-Кб и цитокин, што доведува до пресврт во истражувањето на проинфламаторните гени и намалување на ризикот од болести и пореметувња поврзани со воспаленијата.
Лидерот на истражувањето д-р Ивана Буриќ од Лабораторијата за мозок, верувања и однесување на Универзитот Ковентри, коментира дека денес многу луѓе уживаат во психолошкиот бенефит на јогата и медитацијата, но, веројатно, не знаат дека таа корист се врзува се до молекуларно ниво и дека може да го промени начинот на кој нашиот генетски код ја извршува својата работа. Истражувањето е објавено во списанието Frontiers in Immunology.
