Жена во САД тужела ланец продавници тврдејќи дека добила херпес користејќи тестер кармин. Дали ова е навистина можно? Микробиолозите тврдат дека е. Покрај херпес, користењето на туѓа козметика може да предизвика бројни заболувања. На кои се производи и помагала се кријат опасни заболувања?
Херпесот е многу чест вирус кој, освен по сексуален пат, може да се пренесе и со користење на исти крпи, шолји и секако, кармини, балсами за уста… Околу 67% од луѓето во светот се заразени со овој вирус кој може, а и не мора, веднаш да се манифестира. Вирусот живее во ткивото и може да се шири, а симптомите може да се појават и после неколку месеци. Херпесот предизвикува појава на чиреви на лицето, устата и во пределот околу устата. Самиот вирус во надворешна средина може да преживее околу 10 секунди. Меѓутоа, доколку средината е влажна и топла, вирусот останува подолго, а на пластичните и хромирани предмети може да преживеат и до 2-3 часа, па затоа е многу веројатно дека може да се пренесе преку користење на исти препарати за уста.
Она што е важно да се напомене е дека не постои лек за херпес, само третмани кои може да ги отстранат неговите симптоми. Самиот вирус не се лекува.
Шминки и преносливи заболувања
Козметичките производи имаат состојки кои го спречуваат развојот на микроорганизмите, но и тие секако може да бидат легло на зарази, особено ако се во прашање нестерилни примероци како тестерите во продавниците за козметика.
Покрај кармините и балсамите за уста, од кои е можно да се добие херпес, четките за шминкање може да бидат преполни со микроби кои предизвикуваат различни инфекции на кожата и очите.
Страфилококата е честа бактерија, не предизвикува оштетувања, но се наоѓа во носот, како и на кожата кај многу луѓе. Со продирање во организмот и со нејзиното размножување, таа може да предизвика инфекции во организмот. На маскарите е можно да се најдат бактерии и вируси кои предизвикуваат иритација и коњуктивитис, чешање, црвенило, а во потешки случаи и слепило.
Поради сево ова, избегнувајте да испробувате тестери и користење н туѓи козметички производи, а својот сет за шминка редовно чистете го и по потреба менувајте го.
