Многумина од нас растат со некои ставови за здравјето на кои не учеле родителите, бабите, дедовците… И многумина од нас и ден-денес веруваат во повеќето од тие ставови, но време е да ја откриеме вистината.
Ви-фи предизвикува карцином
МИТ! Нема докази кои одат во прилог на оваа теорија. Неколку истражувања спроведени на оваа тема покажале дека зрачењето кое го емитува ви-фи не е вид на зрачење кое може да предизвика оштетување на човековите клетки.
Гумата за џвакање во телото останува 7 години
МИТ! Го знаете она убедување кое ви го наметнале кога сте биле дете и ве плашеле дека секоја голтната гума за џвакање ќе ви остане во телото во следните 7 години?! Сега може да бидете мирни и да не ја повторувате истата грешка кон своите деца – затоа што ова НЕ Е ВИСТИНА. Лекарите тврдат дека тоа е производ кој не се вари и поминува низ дигестивниот систем во нормален рок и се исфрла од организмот.
Витаминот Ц спречува настинка
МИТ! Нема докази кои би оделе во прилог на оваа теорија. Витаминот Ц помага во зајакнување на имунолошкиот систем, но самиот витамин Ц не ги убива вирусите.
Стравот или запирањето на здивот ќе го запре икањето
ВИСТИНА! Ако го држите здивот, ќе го зголемите нивото на CO2 во крвта што може да го спречи грчењето на дијафрагмата. Кога некој ќе ве исплаши и тоа може да резултира со прекин на икањето затоа што телото тогаш се подготвува за борба или бегство.
Корката од лебот може да ја навитка косата
МИТ! Витканата или рамната коса е работа на генетиката. Консумирањето одредена храна не може да ја смени генетиката!
